Əgər hər gün təxminən 1 litr qazlı su və ya kola içilərsə, insanın qarın boşluğundakı əzələlərdə, habelə qaraciyərdə piyin miqdarı normadan dəfələrlə artıq olar.Danimarkadakı Orhus Universitetinin professoru Byorn Riçelsenin başçılıq etdiyi alimlər qrupunun araşdırmaları zamanı qazlı suların orqanizmdə şəkərli diabet və ürək-damar xəstəlikləri riskini də dəfələrlə artırdığı məlum olub.
Həkimlər gündə maksimum 3 banka qazlı su içməyi məsləhət görürlər. Riçelsen eksperiment apararaq 47 könüllüyə 6 ay ərzində 1 litr su, süd, dietik və ya adi kola içməyi tapşırıb. Eksperimentə qatılanların hamısı izafi çəkili idi.
Yarım il sonra adi kola içənlərin qarın boşluğunda piylənmə miqdarı 25 faiz, qaraciyərdəki piyin miqdarı isə 2 dəfə artıb. Orqanizmdə belə dəyişikliklər metabolik sindrom, II tip diabet və s. ilə bağlı olaraq ektopik piyin yaranması ilə bağlıdır. Ektopik piy insanın daxili orqanlarının normal fəaliyyətini pozur.