Bu yazının azərbaycan dili əlifbasının ərəb qrafikası ilə qarşılığı vardır. Bax: اینسان حوقوقلاری حاققیندا ائورنسل بیاننامه
1948-ci il dekabrın 10-da BMT baş məclisi "İnsan hüquqları haqqında bəyannamə” qəbul etdi. Bu bəyannamə 30 müddəadan ibarətdir. Hər bir insan azaddır və bizim hər birimizə eyni münasibət olmalıdır. Dərisinin rəngindən, cinsindən, dinindən, dilindən asılı olmayaraq hamı bərabərdir. Heç kimin sizi incitməyə və işgəncə verməyə haqqı yoxdur. Qanun hamı üçün birdir. O, hamıya eyni cür tətbiq olunur. Hər bir insan öz ölkəsinin vətəndaşı olmaq hüququna malikdir. Heç kimin sizin başqa ölkənin vətəndaşı olmağınıza mane olmaq hüququ yoxdur.